مميزات وعيوب اوبل جراند لاند

Motaz Samir

منذ 2019-07-11 14:02:04

حبيت اشارك معكم تجربتي مع احلي عربيه ركبتها حتي الان و العزيزه علي قلبي اوبل جراند لاند X هبدا بالمميزات ثم بالعيوب

 

المميزات:-

١-ثبات السياره علي السرعات العاليه حاجه كده ما شاء الله عليهم جميله جداا و ثابته بطريقه تخليك عاوز تعرف اخرها و هي مش هتنولهولك

٢-الثبات اثناء المناوره فعلا حاجه جميله جداا لو عاوز تناور بيها او تاخد غرز مثلا او عاوز تطلع من مكان بسرعه مع انها suv بس في الحته دي متميزه جداا ٣-عزم السياره تعتبر من اقوي عزم موجود في فئتها كلها و ميفرقش معاها حاجه مشغل تكيف  داخل في منطقه رمليه داخل منحدرات هتديك النت عاوزه و تعتبر حتي افضل من بعض السيارات الدفع الرباعي في فئتها.

٤-الامان السياره امان من اول فئه ثابته حتي ثالث فئه و دي حاجه مميزه جداا فيها ٤-الكماليات من اول فئه السياره من اول فئه بتديك كماليات النت هتحتجها عمتا كمثال من اول فئه في حساس ركن خلفي و فوجات و اضواء نهاريه اماميه و خلفيه و تكيف خلفي و شاشه و شاشه ديجيتال في العداد و سقف بانوراما و الخاصيه المتميزه بها السيارات الالماني فقط parking light و اخير وحده رفع من اول فئه

٥-شنطه كبيره وواسعه مساحتها ٥١٤ لتر و تعتبر من افضل المساحات الفي فئتها

٦-الكماليات مقابل السعر العربيه تصنف في فئتها كالقيمه مقابل السعر للنها بديك كماليات كتيره جداا مش موجدين في منافسين في فئتها و بسعر ارخص منهم

٧-قطع الغيار مع انها اوبل لكن هي في سعر الكوري في بعض الاشياء

٨-العربيه بتديك اداء رياضي وقت ما تحتاج ذلك و بتديك اداء الراحه و التوفير ايضا

٩-السياره بدون عيوب في الماتور او الفتيس او التربو او الكهربا

١٠-عزل العربيه جميل جدااا وفعلا لو انت راكب مش هتحس بالحواليك و هتبقي منعزل عن الصوت  الخارجي

١١-خامات التابلوه من انضف الخامات النت ممكن تشوفها و ثابته ايضا من اول فئه و هي جلد طبيعي هي و المسند اليد و مسند الرجل و اجزاء من الباب الامامي

العيوب:-

١-دخول بعض البلاستك في الابواب و مع ذلك لايخرج اي صوت اثناء السير او في الطرق الغير ممحده (بيفرق في اللمس)

٢-عدم فتح زجاج السقف البنوراما

٣-عدم توافر قطع الغيار بكثر في الخارج و ده عامل بسبب ان السياره لسا نازله بقالها سنه و نص فقط و المتوفر في الخارج هو الروتيني الخاص بالصيانه الدوريه و فوانيس و اكصدام فقط

٤-شاشه ٧ انش غير الشاشه البتنزل بره مصر ٨ انش ٥-ازاله فانوس الزنون و الجنط ١٩ من اعلي فئه بس متوقع نزلهم مره اخري في ٢٠٢٠