عيوب ومميزات

Amr Hafez

منذ 2019-08-16 14:15:44

مميزات النترا :

----------

1.سعرها مقبول نسبيا ومتصنفه من العربيات الاقتصاديه ولكن لو كان سعرها نزل شويه علشان تنافس اللوجان والافيو والابترا ساعتها اعتقد انها هتكتسح البراندات دى

2.عاليه على الارض ودى ميزه فى مصر

3.قطع غيار جديدة واستيراد رخيصه جدا لانها بقالها كتير جدا فى مصر

4.الفرامل قويه , انا ركبت اللى فيها abs واللى مفهاش , ومحستش بفرق جامد بصراحه

5.ثبات على السرعه العاليه كويس نسبيا لحد ال 160 بعد كدة انا مطمنتش ليها خالص

نيجى بقى لعيوبها

--------------

1.العربيه دى بتنزل من غير عوامل امان خالص وانظمه الثبات نفس الكلام

2.خامات التابلوه مش حلوه ولو كان الوكيل طور شويه فى خاماتها كانت هتبقى كويسه عن كده

3.رأي الشخصى ان الموتور قوى شويه على عربيه من غير عوامل امان او ثبات ودة حاجه بالنسبالى مش مقبوله

4.تكييفها ضعيف فى الحر ولو راكن فى شمس وجيت ركبت انسى انك تلاقى تكييف غير بعد نص ساعه مثلا ومعظم اللى راكبين العربيه دى بيعدلو كباس التكييف لكباسات تويوتا كورولا وبيبقى احسن بكتير

5.صاج العربيه ضعيف جدا مقارنه بالموديل اللى فات بتاع 2007 و 2008 فى المجمل بصراحه هى كويسه جدا وانا شخصيا عاجبنى اصلا شكلها الخارجى جدا وكنت بفكر اشتريها وبالذات اللون الاحمر :D لكن اللى ضايقنى منها الخامات الداخليه حسيت انى هبقى راكب عربيه سيئه من جوه وانا شخصيا مش ببقى مستريح لو خامات العربيه الداخليه وحشه

Tamir Tamir

منذ 2019-07-13 05:53:27

بالنسبة للهيونداي توسان توربو التوب لاين الفئة الثانية توربو السيارة رائعة من ناحية

1- الحجم ووسع الشنطة وراحة الركاب

2- وسائل الآمان المتوفرة والفرامل

3- الكماليات والأوبشن الرائعة

4- الاعتمادية وتوفر قطع الغيار خارج التوكيل وذلك لانتشارها الكبير

5- إعادة البيع الممتازة والاحتفاظ بسعرها

6- شكلها جذاب وعصري

7- الارتفاع المناسب من الارض يوفر عدم الاحتكاك بالمطبات وخلافه

8- عفشة ناعمة ومريحة

9- مكيف رائع في عز الصيف

السلبيات

1- الفتيس الديوال كلاتش في فئة التوربو فقط يحتاج لعناية خاصة في الزحام فقط لكي تتفادى السخونة

2- غلو قطع الغيار في التوكيل وده شائع في جميع السيارات بدون استثناء غير كده بمنتهى الامانة والحيادية مافيش عيوب من وجهة نظري وده واضح في الانتشار الكبير للسيارة في الشارع والاعطال والاشياء التي ظهرت في بعض السيارات حصلت بأعداد طبيعية ولا ترقى لمستوى الظاهرة ومايشاع على السوشيال ميديا اغلبيته تهويل وتكبير المواضيع لاغراض تجارية