عيوب ومميزات

Amr Hafez

منذ 2020-01-22 07:17:58

عيوب العربيه دى ---------------------- 1.الفتيس الCVT ومشاكله اللى مش بتخلص وعدم اهتمامنا بيه وبصياناتها وكمان عدم تغيير الزيت بتاعه بيأدى لتلف الفتيس على طول كدة طيب مشاكل الفتيس دة فى كل فتايس ال CVT لا بالاخص فى نيسان كلها وهبقى اتكلم معاهكم فى حلقه لوحدها عن مشاكل الفتيس بتاع نيسان 2.ثبات بعد ال 140 مش حلو على الطريق 3.قطع الغيار غاليه شويه لكن لوقارناها بالرينو كادجار ف نيسان ارخص مميزات قشقاى ----------------- 1.سعرها الى حد ما مقبول بالنسبه لانها جايه من انجلترا يعنى مش اتحاد اوروبى ومفيش عليها خصم 2.تصميم شيك جدا من جوه وبره 3.اعادة بيع كويسه وكل قطع غيارها متوفره

Amr Hafez

منذ 2019-12-01 11:28:22

مميزات نيسان سنترا

-------------------

1.سعرها كويس ومقبول الى حد ما

2.قطع غيار متوفره فى كل مكان جديده واستيراد يعنى من الاخر مش هتتعبك فى اى حاجه

3.اعاده بيع كويسه جدا

4.واسعه اوى من جوه وعائليه من الدرجه الاولى

5.عزل صوت وحراره فوق الممتاز

6.تكييف كويس طبعا ومفيش كلام على التكييفات اليابانيه

عيوبها بقى

-----------

1.تقفيلها المصرى سوء سمعتها شويه وخلاها متتحطش فى مقارنه مع منافسين ليها كتير بسبب انها بقت بتتقفل فى مصر

2.الفتيس بتاعها محتاج صيانه كل فتره واهتمام وكل الفتايس كدةCVT ال

3.عوامل امان قليله مقارنه بمنافسيها فى السوق , عربيات بتتقارن معاها فيها نظام اتزان الكترونى و4 و 6 ايرباج مش زى نيسان سنترا

4.شكلها متغيرش من سنه 2013 وحصلش فيها اى تجديدات حتى ولو فى اوبشن زيادة

5.صاج ضعيف شويه ودهان برضه ضعيف مش قوى.

Amr Hafez

منذ 2019-09-17 15:17:24

عيوب نيسان صنى

-----------------

1.الفرامل ضعيفه جدا جدا وكل ملاكها اشتكو منها سنه 2013 وكانت الطنابير بتبوظ كمان بسرعه غير عاديه , ولحد الان الفرامل ضعيفه ومفيش حل ليها 2.الصاج ضعيف جدا وهش وتحسه انه ورق لو سندت عليه هيطبق

3.ثبات العربيه على المنعطفات سئ جدا جدا , نصيحه متجريش بيها

مميزاتها بقى

--------------

1.تكييف فوق الممتاز بصراحه وطبعا تكنولوجيا التكييفات اليابانيه معروفه

2.قطع غيارها رخيصه ومتوفره فى كل مكان

3.اعاده بيع كويسه جدا جدااا ومن العربيات اللى بتشتغل فى شركات كتير واى حد هيشتريها منك بسرعه

4.صالون واسع اوى وتحس انك مستريح وانا قعدت ورا قبل كدة كنت مستريح جدا فى قعدتها ومشيها على سرعه بطيئه

5.عزل صوت وحراره كويسين ومش هتضايق منهم

6.استهلاك بنزين من احسن العربيات اللى فى الفئات الاوتوماتيك فى سعرها لحد الان