عيوب ومميزات

مميزاتها :

1.ثابته الى حد ما على السرعات

2.استهلاك بنزين كويس

3.العربيه من جوه شكلها كويس ولكن خامات مش اد كدة

4.واسعه من جوه اوى وشنطتها كبيره

العيوب:

-------

1.نتشه فى الفتيس وانت هتحس بيها فى معظم النقلات

2.العفشه ناشفه جدا "انا كنت سايقها وهى عامله 8000 كيلو وبصراحه مكنتش مستريح"

3.صوت غريب اول ما تشغل التكييف لكن بيروح بعدها بدقايق

4.زراير المالتى فى الطاره كانت بتعلق والتوكيل غيرها فى الضمان

5.عزل الصوت سئ جدا فى كل السرعات

6.صوت الموتور عالى

7.بعض قطع الغيار فى الوكيل مش موجوده لحد الان وبتستناها اقل حاجه 15 يوم مثلا

Amr Hafez

منذ 2019-07-06 14:41:15

أول موضوع فى السايت حبيت اشاركه معاكم تجربه سنتين بعربيتى شيفروليه أفيو. هبدأ المميزات ثم العيوب.

مميزاتها :

----------

1.اسعار قطع غيار وصيانات فى التوكيل رخيصه جدا جدا لدرجه ان صيانه ال 10 الاف مثلا اقل من 1000 جنيه

2.اعاده بيع فوق الممتازه وممكن تتباع فى ساعه لو فكرت تبيعها

3.عربيه عمليه جدا وهتوفر معاك كتير لو انت حابب تشترى حاجه متصرفش عليها فلوس كتير

4.حماله اسيه بمعنى الكلمه انا كنت مركب فيها 7 اشخاص قبل كدة ومكانتش بتحك فى المطبات

5.موتور وفتيس مفيش منهم اى اعطال نهائى

عيوبها :

--------

1.خفيفه على السرعات بعد ال 120 وحرفيا لو انت فى الشتا وماشى على طريق سريع وفى شويه هوا ممكن تلاقى العربيه اتأثرت بالهوا وحدفت يمين او شمال منك

2.صاج ضعيف جدا ولو سندت عليه ممكن يطبق

3.عزل حرارة سئ جدا جدا لدرجه انك لو مشغل التكييف ساعتين تلاته وركنت العربيه دقيقتين وقفلت التكييف ورجعت تركب تانى اكنك مكنتش مشغل تكييف خالص !

4.الباور بتاع الدركسيون تقيل زى رينو لوجان ورينو داستر وبروتون بريفى وغيرها من العربيات

5.تقفيلها سئ وهتحس باصوات التابلوه والبلاستيك اللى فيه بعد اول 20 الف كيلو

6.العفشه غير مريحه وسواقتها كمان متنفعش اكتر من 4 ساعات

7.استهلاك بنزين جو البلد عالى جدا وممتاز على السفر

تقريبا كدة انا اديت لحضراتكم الخلاصه والمفيد لتجربه سنتين كاملين عن العربيه دى.