عيوب ومميزات

Amr Hafez

منذ 2020-01-22 07:15:05

عيوب العربيه دى ---------------- 1.عفشتها ناشفه اوى اوى وغير مريحه تماما وبتتحل انك تغيرها بعفشه لانسر بومه 2.نتشه او عضه فى الفتيس ولازم كل فتره تحط شحم لعصايه الفتيس والموضوع مزعج جدا وفى ناس فى اول 50 الف كيلو غيرو ديسك واسطوانه للفتيس 3.حراره العربيه كانت بترتفع كتير جدا 4.دهان العربيه ضعيف ومن اقل حكه فيه بيطلع 5.فراملها مش قويه ومعجبتنيش خالص والبى واى دى واللادا والجيلي احسن منها فى الحته دى 6.عزل الصوت على سرعه 100 مثلا هتسمعه 7.الفرش الجلد خامته مش كويسه وقابل بقى يا معلم لسوعه للصبح وبالمناسبه انا مش من اللى بيرشحو الجلد خالص فى العربيات الاقتصاديه اللى زى دى رغم انه بيحافظ على العربيه من جوه. ------------------------------------------------------------------------ مميزاتها بقى ------------ 1.رخص وتوافر قطع غيارها فى الوكيل او بره الوكيل 2.اعاده البيع كويسه جدا 3.اعطالها نسبيا قليله بس لو اتكلمنا فى الاعطال الاقل يبقى بى واى دى وجيلي ايمجراند احسن 4.حاجه كمان من مميزاتها ان شكل التابلوه من جوه عاجبنى جدا وحاسه منظم 5.استهلاك بنزين كويس جدا وطبعا علشان مانيوال فى المجمل هى بتلعب مع عربيتين تانيين وهما البى واى دى والجيلي ايمجراند 7 انا ك عمرو لو هختار هركب بى واى دى ،وبرضه شوف انت مستريح ل إيه واشتريها بس الحقيقه ان عيوبها مغطيه شويه على مميزاتها ودى حاجه ممكن تخوف اى حد عايز يشتريها

Amr Hafez

منذ 2019-10-01 08:04:50

مميزات اريزو

--------------

1.سعرها مقبول وكويس وبتنافس الفئات الاقتصاديه زى جيلي ايمجراند وبى واى دى واللانوس والافيو

2.اوبشنز مش موجود فى الماركات اللى قولتها ودى حاجه لبعض الناس كويسه

3.توكيلها مش جديد علينا وقوى ويقدر ينجح اى عربيه

4.شكلها الخارجى كويس ومقبول

عيوب اريزو

----------------

1.قطع غيار فى الوكيل حتى الصيانات الدوريه واى عربيه جديده فى مصر قطع غيار زى فانوس اكصدام كبوت الحاجات دى مبتبقاش لسه جت

2.الفتيس ال CVT بيحتاج اهتمام واغلبنا معندوش اهتمام بالذات بالفتيس دة وتغيير الزيت فى ميعادة