عيوب ومميزات

Amr Hafez

منذ 2019-10-08 07:33:30

عيوبها

--------

1.العفشه الجديده على اد ماهى كويسه على اد ما هى مخلياك حاسس بالبودى رول من اول ال 90 العربيه عاليه بزياده على الارض والعفشه الهيدروليك مش مدياك احساس الثبات على الملفات تماما

2.خامات بلاستيك معظمها ولو هنقول نسب يبقى انتريور العربيه 75% بلاستيك والباقى جلد ودى حاجه مش مقبوله تماما

3..فى لاج واضح اوى فى العربيه فى النقلات ولما تدوس فرامل وتهدى وانا حسيت ان العربيه بتقفش علشان تهدى او اكنك سايق عربيه مانيوال مثلا وسقطت نقله فبتلاقى الار بى ام على والعربيه صوتها على كمان ده نفس الاحساس

مميزاتها

----------

1.العفشه الجديده الهيدروليك اللى مش بتحسسك بالمطبات خالص بصراحه انا استريحت فيها جدا جدا , وكانت من احسن التجارب بالنسبالى فى الراحه

2.اوبشنز كتير جدا لو قارناها باخواتها البيجو 3008 والاوبل جراند لاند ولكن دى جاى على حساب الخامات خلى بالك

3.واسعه جدا من جوه بس مدياك احساس رفاهيه رياضيه يعنى انا حاسس انها عربيه عائليه من الدرجه الاولى

4.شكل جديد متميز من بره وجوه وتصميم عالى جدا وهتحبه