عيوب ومميزات

Amr Hafez

منذ 2019-09-17 15:15:00

مميزات العربيه دى

------------------

1.اقتصاديه وسعرها مناسب جدا

2.قطع غيارها موجوده فى كل مكان ومش غاليه لكن متوسطه ودة معناه ان فى عربيات ارخص منها فى قطع الغيار فى فئتها

3.اعاده بيع كويسه جدا

4.بتستحمل شغل كويس جدا ومش لازم تتعامل معاها بالشوكه والسكينه وهتأدى معاك فى اى حته واى مشوار

5.عفشتها مريحه وكويسه فى الشوارع المكسره

6.شكلها من جوه كويس ومقبول واحسن من غيرها

عيوبها بقى

-------------

1.استهلاك بنزين مش كويس خالص والتانك بيعمل بالتكييف حوالى 350 كيلو ودة كتير طبعا

2.عزل الحراره سئ جدا بالذات الجزء اللى تحت دواسه البنزين والفرامل بتحس منه بحراره الموتور

3.عاليه على الارض ودى تعتبر ميزه وعيب ولكن على السرعه العاليه زى 140 مش هتبقى كويسه معاك خالص وتحس انها نسخه من الافيو لانهم نفس الوزن وزى بعض

4.عزل الصوت بعد ال 120 طبعا وحش ودة بيرجع لانها فى الفئه الاقتصاديه برضه

5.الباور بتاعها تقيل زى الافيو والداستر والبروتون بريفى

6.صوت موتورها عالى ولو انت شخص بتحب الهدوء العربيه دى مش هتنفعك

7.تكييفها الى حدا ما كويس فى الحر لكن طبعا مش احسن حاجه